Í New York er höfuðstöðvar Sameinuðu Þjóðanna. Þar safnast saman allar þjóðir Sameinuðu Þjóðanna, þ.á.m. er Líbýa. Ef Bandaríkin ætla að fara að neita einstaka þjóðarleiðtogum að taka þátt í ráðstefnum SÞ vegna þess að þeir(BNA) eru í fýlu út af einhverju ákveðnu máli þá er bara kominn tími til þess að færa höfuðstöðvarnar til lands sem er meira hlutlaust. Ekki það, miðað við það sem ég hef séð, þá virðist áhrif Kína, BNA, Rússlands o.fl. ná ansi langt. Ég veit að Frakkland og Bretland eru ennþá tæknilega séð P5(permanent members) en held nú að það sé nú bara sökum sögulegs samhengis og muni ábyggilega breytast með tímanum.*

Í sambandi við tjaldið, hvar í ósköpunum ætti hann að tjalda, New York er risaborg en það er mun erfiðara að vernda tjald en hús. Held að blessaður maðurinn verði bara að gjöra svo vel að bregða út frá venju. Enda er að hausta í New York og að kólna smá.

*veit einhver um dæmi að Bandaríkjamenn hafi neitað þjóðarleiðtogum að taka þátt í ráðstefnum SÞ. Þá er ég ekki að tala um að hóta að handtaka þá sökum meintra stríðsglæpa eða slíks.

 

	Vilja ekki tjaldbúann
Ábyrgðarmaður færslu Tilkynna um óviðeigandi tengingu við frétt

...til að eyða tíma. Ég veit að þetta er fangelsi en fá þessir menn ekki bækur, sjónvarp, líkamsræktarsal o.fl. Ég eyði a.m.k 60% af mínum frítíma í að lesa bækur, líkamsrækt og sjónvarpið. Ég er reyndar nörd af hárri gráðu*. Hvernig eru lífsskilyrðin í þessu fangelsi, ef þeir hafa ekkert að gera þá gerist ekkert nema pirringur og læti. Ég veit að ég yrði brjálaður ef ég hefði ekkert nýtt að lesa eða horfa á. Ég get ekki eytt mínum tíma í að horfa á fótboltaleiki(geri undantekningar fyrir vini). Ég trúi satt að segja hvorki á þeirra refsingarkerfi(allt of harkalegt) né okkar(allt of vægt). Hlýtur að vera til góður meðalvegur. En ég ætti kannski ekki að segja mikið, geri aldrei neitt af mér, aldrei farið í fangelsi. 

 

*Fer reglulega í leikhús, horfi á margar heimildamyndir, les sögubækur o.fl mér til gamans, fer oft í bíó, les líka myndasögubækur, uppáhaldsspilið mitt er Trivial Pursuit, dansa Salsa og nokkra aðra samkvæmisdansa, er enn í eðlisfræðinámi og hef sungið a.m.k 11-13 ár í kór. Ég elska lífið mitt, það er æðislegt.Stunda líka bandý o.fl. þegar ég hef tíma.

	Grófu sig út í frelsið með naglaklippum
Ábyrgðarmaður færslu Tilkynna um óviðeigandi tengingu við frétt

Var spurður að flókinni spurningu: sem meðlimur í MUN samtökum, hvaða stjórnmála - lífs-, og trúarskoðanir aðhyllist fólkið sem þú umkringist í þeim samtökum.

Í fyrsta lagi, spurningin segir mér það að spyrjandinn veit ekki hvað MUN er, Model United Nations eru samtök þar sem IceMUN halda ráðstefnur á Íslandi. Þetta eru að vissu leyti ungliðahreyfing fyrir sameinuðu þjóðirnar þar sem við reynum að fá fólk til að setja sig í spor annarra menningarheima.

Fólkið sem ég hef umkringst í þessum samtökum hafa komið allsstaðar að, frá öllum 6 byggilegu heimsálfunum, það er sem dæmi fólk frá Súdan, Kína, S- og N- Kóreu, Víetnam(S- og N), Þýskalandi, Frakklandi, Búlgaríu, Kyrgistan, Kasakstan, Japan, Zimbawe,  S-Afríku, Englandi, Skotlandi, Írlandi, Ástralíu o.fl.

Trúarbrögðin sem þetta fólk hefur aðhyllst eru mjög margar, sem dæmi: búddismi, kristni, hindúismi, Íslam(múslimar) og mörg önnur trúarbrögð sem eg er ekki viss um hvernig á að stafa(shikh? baháí?).

Orðið lífsskoðun, ég hef ekki hugmynd um hvernig ég á að geta náð yfir þessa spurningu. Fólkið sem ég hef hitt hefur verið fanatískt á marga vegu og rólegt á marga vegu. Lífsskoðanir þeirra voru jafnmargar og persónuleikarnir

Miðað við marga staði í borginni þá eru mjög margar gangbrautir við Hólabrekkuskóla og það eru alltaf gangbrautaverðir á ákveðnum tímum, a.m.k í mínu minni. Hraðahindranir þarna eru a.m.k jafnmargar og gangbrautirnar. Ég vona innilega að þetta hafi ekki orðið sökum þess að fólk ber ekki endurskinsmerki. Það á jafnt við fullorðið fólk sem börn. Man ekki hámarkshraðann þarna í kring en miðað við að þarna er 1 framhaldsskóli(FB) og 2 grunnskólar með stuttu milibilli þá er hann líklegast að mesta kosti í 50 km markinu.

	Ekið á barn við Hólabrekkuskóla
Ábyrgðarmaður færslu Tilkynna um óviðeigandi tengingu við frétt