Íslendingar sameinumst, verndum rétt okkar sem neytendur

Skv.neytendasamtökunum þá er verið að reyna að eyðileggja verðskuldaðar verðlækkanir okkar Íslendinga sem neytanda á matvörur. Ég ætla mér nú að taka þennan lista með í matvörubúð og ekki kaupa það sem er á listanum. Ég er orðinn leiður á því á að þurfa í sífellu að borga okurfé til þess eins að svelta ekki.

http://www.ns.is/ns/frettir/?cat_id=6413&ew_0_a_id=258629

 Ég hvet eindregið fólk að fara eftir þessum lista og sneiða framhjá þeim birgjum sem halda að þeir fái að komast upp með allt.

 

Tónlist-topp 5 hjá mér í augnablikinu

1. Bohemian Rhapsody (The Queen)
2. Bittersweet Symphony (The Verve)
3. Burning down the house (Talking heads)
4. Kindhearted woman (Robert Johnson)
5. La Bamba

Því miður þá er þetta ekki allt popp eða rokk&ról en eru öll frekar klassísk annars þá eru ýmsar hljómsveitir vinsælar hjá mér í augnablikinu þ.á.m er Prodigy, Pink Floyd, Nick Cave, hljómsveitirnar hérna fyrir ofan ásamt ýmsum öðrum. Einhver lög sem þið mælið með?

Tannpína

Eina orðið sem ég get hugsað er: Ááááá-i, mikið lifandi skelfingar ósköp er þetta óþægilegt. Ég er búinn að vera að reyna að einbeita mér í dag og mun halda því áfram. I´m in pain. Megi afstæðiskenningin, hulduorkan, stjórnmál o.fl hjálpa mér að hugsa um eitthvað annað en þennan ógeðslega sársauka. Ég á næst tíma hjá tannlækninum á þriðjudaginn, þetta er kannski eðlilegt en ég er samt í sársauka. 

MUN á Akureyri

Þær góðu fréttir að það á að fara að halda MUN á Akureyri næsta mars. MUN er skammstöfun fyrir Model United Nations eða hermilíkan af sameinuðu þjóðunum, er þessi atburður haldinn um allan heim og er orðinn 70-80 ára gamall ef ég man rétt. Einnig er líkt eftir öðrum alþjóða- og innanlandsstofnunum þótt að við séum ekki enn byrjuð á því hér á landi að líkja eftir alþingi. Ég tel mikla möguleika að það væri auðvelt að fá styrki til að halda model ICJ hérna á landi í framtíðinni og yrði það líklegast þá vinsælast meðal laganema. IceMUN var haldið í fjórða sinn seinnasta haust, ég veit ekki hvernig þetta mun ganga.

Ég hef heyrt að reynt verði að toga nemendur útfrá hinum háskólunum. Myndum við þá þurfa að taka rútur og þá væri möguleiki að rúturnar gætu tekið nemendur uppí m.a frá Bifröst. Vona ég innilega að þetta takist vel .

Kemst líklegast ekki á næsta FinMUN

Mér þykir það mjög leiðinlegt en einn kúrs í háskólanum krefst þess að ég sé eiginlega alltaf við. S.s engar vikulangar ferðir framundan hjá mér næsta vormisseri :( . Ég verð að játa að mér finnst þetta rosa leiðinlegt en ég verð að taka námið fram fyrir það að komast á eitt MUN. Ég sé til, ef Alina biður mig um að koma þá get ég ekki neitað. Ég er þegar byrjaður að lesa fyrir kúrsanna.

 Þessi ákveðni kúrs sem stöðvar áætlanir mínar heitir: Verkleg eðlisfræði en í honum er 12 verktilraunir, ég get ekki sleppt því að taka þessum kúrs alvarlega en ef ég færi á FinMUN þá myndi ég samt vinna að skýrslunni. Sem er eiginlega aðalvinnan, sérstaklega þar sem flest öll tækin sem við notum er ég þegar orðinn vanur. En mér finnst áfanginn samt mikilvægur.

Næsta önn:

Verkleg eðlsifræði, almenna afstæðiskenningin, stærðfræðigreining 4b og töluleg greining. Mig langar að taka "líf í alheimi" líka þar sem ýmsir vinir mínir hafa valið kúrsinn. Þ.e.a.s fólkið sem ég kann best við í raunvísindadeildinni og ég kann vel við að vinna með.

Sakna hversdagslífsins

Ég er orðinn langþreyttur á próf- og jólastressi, ég sakna hversdagslífsins þar sem ég og vinir mínir förum út og gerum eitthvað. Mig langar í partý, fara í keilu, bandý, sund, pool, fótbolta o.fl. Ég er ekki einu sinni búinn að fara á skauta á Ingólfstorgi. Um leið og ég er búinn í prófum, þá fer ég í sund, fer á skauta, í bíó og fer eitthvað með vinum mínum. 

 

Ég og Einar Steinn, vinur minn vorum að tala um að hafa bloggin okkar á ensku eða hafa þau á tveim tungumálum þar sem við þekkjum báðir mikið af enskumælandi fólki sem á heima erlendis. Vorum við nokkuð sammála að það yrði erfitt að þýða Íslenskan húmór og orðatiltæki yfir á ensku þar sem þau tapa nær allri merkingu sinni. Sbr. "I stood on the duck" og "I come completly from mountains" sem enginn maður sem er ekki frá Íslandi myndi vita hvað ég væri að meina þótt ég gæti alltaf sagt, "took my breath away", sem þó er ekki sjálfstæð setning nema að ég nefni hvað lét mig standa á öndinni.

 

Jæja, ég ætti kannski að búa til lista yfir 10 skemmtilegustu hlutina sem ég gerði á þessu ári, ég tek fram að hlutirnir þurfa ekkert endilega að vera í þessari ákveðnu röð.

1.Kórinn
Ég veit um færri betri ákvarðanir í mínu lífi en að fara í háskólakórinn, félagslífið þar er frábært. Partý, bandý, tenór-sambandið, hitta allskyns fólk, þótt þetta sé flest allt háskólafólk þá er það samt ekki nærri því allt eins. 

2.MUN-starf
FinMUN, IceMUN, IscoMUN o.s.frv voru öll ótrúlega skemmtileg MUN, að vera í sauna í Noregi og Finnlandi var alveg ótrúlega skemmtilegt. 

3.Ferðalög utanlands sem ekki voru farin á vegum MUN eða Kórsins
Ástralía, Singapore, Frakkland, Spánn, Tékkland, England, Færeyjar, Danmörk...alltaf gaman að ferðast og alltaf jafn gaman að koma heim eftir ferðalagið.

4.Ferðalög innanlands
Hringurinn var tekinn í ár og það á einni helgi, þetta var eftirminnilegt því maður fékk svona eftirminnilega heildarmynd yfir landið sitt. Jafnvel þótt að við hefðum ekki keyrt í gegnum Vestfirði eða Austfirði og við keyrðum ekki um miðhálendið, þá var þetta mjög skemmtilegt.

5.Háskólinn í heild
ég mun aldrei sjá eftir öllum þeim klukkustundum sem ég hef notað í lærdóm. Sama hvort það sé landafræði, danska, kristinfræði, efnafræði eða félagsfræði. Allt gefur þetta af sér á einhvern hátt.

6.Vera með fjölskyldunni
Ég hef alltaf notið þess að vera með fjölskyldunni. Á þessu ári tók ég sérstaklega eftir því hvað það skildi mikið gat inní mér að geta ekki verið eins mikið með fjölskyldunni og ég vildi. Ég veit alveg nákvæmlega um hvað er verið að tala þegar umræðan snýst um fórnir vegna vinnunnar.

7.Vera með vinunum
Djamm,  íþróttir,  labba um og skoða með vinunum. Hvað gæti mögulega verið skemmtilegra en að vera með vinum sínum.

8.Bækur, kvikmyndir, tónlist
Hvort sem ég það var þegar ég las Harry Potter, Draumalandið eða Fjallkirkjuna, horfði á Barbarella, Superman, The Sun, Mýrina eða sjónvarpsþætti eins og Boston Legal, hlustaði á Prodigy, Enya, Boccieli, KK, Queen eða almenna kórtónlist...þá naut ég þess alls og sé ekki eftir að slaka aðeins á og njóta lífsins

9.Fylgjast með og ræða um stjórnmál hvort sem innanlandspólitíkina eða heimsmálin
Alltaf gaman að sitja með fólki og ræða um málin, þótt að auðvitað er skemmtilegra að tala um pólítík þegar a)ég fæ líka að tala, og b)þegar rök fá að ráða, ekki tilfinningar

10.Gera ekki neitt, sofa, íhuga og stunda líkamsæfingar
Allt er hollt í hófi, það á við allt. Ef hlutirnir eru ekki í jafnvægi þá verður lífið að óreiðu.

Gjafalisti

Einar Steinn var að spyrja mig hvor ég kynni að búa til einskonar gjafalista á vefsíðu, ég býst við að hann eigi við þetta hérna að neðan. Mér datt í hug að ég gæti líka sett einskonar vallista(menu) með flokka eins og bækur, Dvd, íþróttir o.s.frv. þetta er í raun allt auðvelt í framkvæmd.

Tölvuleikir:

Caesar 4
Gerð leiks: Uppbyggingaleikur
Fæst hvar: BT

 

 

 

 

 

  World of Warcraft
Hlutverkaleikur
2.799 kr
Fæst hvar: BT Tölvur(Bónus Tölvur Tölvur)

 

Bækur: 

BEYOND REASON. USING EMOTIONS AS YOU NEGOTIATE

Fæst hvar: Bókasölu stúdenta 

Höfundur: FISHER, ROGER & SHAPIRO, DANIEL
Útgefandi: VIKING PRESS
Útgáfunúmer: 1
Útgáfuár: 2005
ISBN: 0670034509
Band: Hardcover

2.203 kr.

GETTING TO YES. NEGOTIATING AGREEMENT WITHOUT GIVI

Fæst hvar: Bókasölu stúdenta 

Höfundur: FISHER, ROGER & URY, WILLIAM
Útgefandi: PENGUIN BOOKS LTD.
Útgáfunúmer: 2
Útgáfuár: 1991
ISBN: 0140157352
Band: Paperback

1.273 kr.

NEGOTIATING RATIONALLY

Fæst hvar: Bókasölu stúdenta 

Höfundur: BAZERMAN, MAX H. & NEALE, MARGARET A.
Útgefandi: FREE PRESS
Útgáfunúmer: 1
Útgáfuár: 1992
ISBN: 0029019869
Band: Paperback

1.439 kr.

 

FIRST COURSE IN GENERAL RELATIVITY, A

Höfundur: SCHUTZ, BERNARD F.
Útgefandi: CAMBRIDGE UNIVERSITY PRESS
Útgáfuár: 1990
Útgáfunúmer: 1
ISBN: 0521277035
Band: Paperback
4.180 kr.

Próf- og jólastúss

Skammtafræði, safneðlisfræði, þéttefnisfræði, aflfræði og eðlisfræði 3. Þó eru þessi síðustu próf, einhver sem ég tók í fyrra en var bara ekki ánægður með einkunninna og tek þau þar af leiðandi aftur.

Jólastússið er búið að vera á fullu og er ég búinn að kaupa jólagjafir handa 2 vinum mínum úti og á eftir að kaupa eina handa vinkonu minni. Þá er bara eftir að kaupa gjafir handa góðvinum mínum hérlendis. Ég er sammála því, þetta er allt of mikið neyslusamfélag. 

Ég get varla beðið því í kvöld þá býr mamma til kjötsúpu og fer ég þar af leiðandi í mat til hennar, tek dvd og við horfum á hana yfir súpunni. Mmmm...kjötsúpa. Uppáhaldsmaturinn minn :)

Fólk er alltaf að spyrja mig hvað mig langar í jólagjöf. Sannleikurinn er sá að ég hef allt sem ég þarf, góða vini og fjölskyldu. Hvað meira þarf maður. Ég held ég geti lifað án þess að eiga Ferrari, 600 fm hús og peningatank. Lífið er gott eins lengi og maður lætur það sem maður hefur duga. Þótt að þetta sé kannski ekki alltaf svona einfalt í Afríku þá fyrir mig er þetta nóg. Samverustundir með vinum og fjölskyldu er besta jólagjöfin sem fólkið getur gefið mér. Annað er bara bruðl

nær engin vikmörk, dónaskapur, smámunasemi og rautt nef

Ég hef ekkert á móti því að hækka sektirnar ef það virkar en vikmörkin voru fín eins og þau voru. Svo virðist sem undanfarið að lögreglan þurfi ekki annað en að koma með tillögu að lögum, næsta dag þá byrji umræðan og eftir mánuð þá er tillagan orðin að lögum. 5 km vikmörk er of lítið og rosalega auðvelt fyrir lögregluna að misnota aðstöðu sína með því að sekta fólk sem fer 6 km yfir hámarkshraða t.d á mörgum götum borgarinnar þar sem stendur 60, 70 eða 80.
Venjulegir lögreglumenn er bara að gera starf sitt og auka þarf umferðaröryggi, sérstaklega á landsvegum. Ég nenni ekki að þurfa alltaf að vera að stara á hraðamælirinn hvort hann sé á 56 eða 66. Það á ekki að breyta miklu, augljóslega þá er samgönguráðherra ósammála mér.
Ef það er eitthvað sem fer í taugarnar á mér er þegar lögreglumönnum, flugvallarstarfsfólki o.fl leyfist að vera með stæla, ruddaskap eða yfirleitt dónaskap þegar ég hef ekki gefið neitt tilefni til. Það má vel vera að vinnudagurinn sé langur hjá þessu fólki en hann er líka langur hjá mér og ekki sé ég mikla þörf til að vera með stæla. Þannig að: gott fólk, verið kurteis hvort við annað, það kostar ekki neitt.
Jæja, á meðan lögreglan fær ekki að ganga með byssur. Ef það er einhverjum sem ég treysti ekki til að ganga með byssu þá eru það ALLIR.
Ekki til að vera smámunasamur en ég var nokkuð viss um að gjaldmælarnir í miðbænum væru gjaldfrjálsir eftir kl 18:30. Því ég tek nokkuð oft eftir fólki að sekta t.d í kringum regnbogann rétt eftir 8 á kvöldin. Má fólk endilega leiðrétta mig ef þetta er rangt hjá mér.
Í lokin þá vill ég minna fólk á að kaupa rautt nef því dagur rauða nefsins á morgunn og fer hagnaðurinn í gott málefni.
Athugið: Eftirfarandi eru bara mínar skoðanir en ekki skoðanir félagshópa sem ég er í.

Lost & found, jólin og MUN

Rosalega varð ég ánægður í gærkveldi þegar Gísli Tenór fann aftur bakpokann sinn. Við vorum á Cultura seinnastliðið fimmtudagskvöld og hafði ég verið seinnasti gaurinn að fara. Ég leit í kringum borðið og og sá bara dótið hans Gunna Þorgils en ekki bakpokann hans Gísla Leifs. Var ég þá nokkuð öruggur að hann hefði tekið hann en annað kom upp á bátinn næsta dag. Vorum við hræddir um að einhver hafi stolið bakpokanum hans en ég er hæstánægður að það hafi ekki verið tilfellið í þessu máli.

Ég er byrjaður að pæla og kaupa jólagjafir, læra undir próf og er orðinn eitthvað ruglaður í öllu stressinu. Nú er bara að pæla og hugsa, var að pæla að búa til svona tenórboli og gefa hinum tenórunum í kórnum mínum. Æðislegir náungar að syngja og vera með.

Partar úr ferðasögum mínum: Ég, Anna Pála, Lilja, Anna Þordís, Varði og Garðar úti í Bergen, Steinhissa á að Friday´s sé djammstaður út í Noregi.

Hvert er ég að vonast til þess að fara á næsta vormisseri: Finnland, Kanada, jafnvel Sviss ef enginn af hinum í MUN-stjórnunarliðinu nennir þá lít ég á þetta sem skyldu mína að standa fyrir eldinn, ísinn og hafið í kring. Ísland er landið og allt það, en að öllum líkindum þá er verið að senda norrænan þáttakendahóp til Geneva. Jæja, best að fara að læra en fyrst taka þetta ógeðslega panodil sem pabbi keypti fyrir slíminu í hálsinum. Ef ég hef ekkert annað þá hef ég fjölskylduna...