Herra George Bush gegn plánetunni jörð

6-8 júní þá ætla 13 þjóðir heims sem menga mest allra eða um 70% af öllum gróðurhúsaáhrifavaldandi efnum. Þ.e ætlun ríkisstjórnar Bush að sjá til þess að mjög lítið verði að gert til að minnka framleiðslu þessara efna. Hvet ég fólk til að skrifa undir mótmæli gegn þessu.

Tengill á undirskriftarlistann: 

 

http://www.avaaz.org/en/climate_g8/tf.php

Lesturinn

Hmmm...hvað gerði ég seinnustu tvær vikur, lauk prófum, kaus, jarðaði frænda minn, fór á vesturland, fór til Vestfjarða o.s.frv.

Í dag lauk ég við fyrstu bókina í Fjallkirkjunni eftir Gunnar Gunnarss, lauk við 'V for Vendetta'. Er að lesa slatta af bókum sem stendur.

Einmitt núna er ég bara að reyna að slaka á og njóta lífsins með góða(r) bók/bækur í hönd 

Eymundur Kristjánsson

Eymundur frændi minn dó kl 11:15 5 maí, 2007, samdi eitt lítið kvæði til að minnast hans.

 

Mundi 

Vei hinum föllnu að rísa
Dagur er risinn, frændi fallinn
blóð mitt á jörðu, blóð mitt í jörðu
frændi farinn, frændi ávallt hér
ég er hér, ég er í paradís

Kvæðið fjallar um hvernig sem fjölskylda við erum öll sem eitt. Þegar eitt af okkur deyr þá minnkar heildin. Ættarhringurinn er eins og kaka, við erum öll ein heild, þegar eitt af okkur deyr þá lagar kakan sig til að mynda aðra heild en um leið tekur hin kakan með sér gamla formið, þ.e tekur part af okkur með sér.

Stjórnmálaflokkar, viðurnefnin

Ég hef mjög svo gaman af þessum skrýtnu viðurnefnumsem fólk gefur stjórnmálafólki og flokkum. Hvað köllum við flokkanna nú til dags.

 

Framsóknarflokkurinn: Gamli( og sumir segja núverandi) bændaflokkurinn, afturhaldsflokkurinn

Samfylkingin: Afturhaldskommatittir, krataflokkurinn

Frjálslyndi flokkurinn: Þjóðernis eða rasistaflokkurinn 

Sjálfstæðisflokkurinn: Með eða sjálf bláa höndin, íhaldsmenn, arðræningjaflokkurinn, kvótakóngaflokkurinn. Hvar er Dabbi kóngur?

Íslandshreyfingin: Hægri grænir með Katrín Fjeldsted sem móður

Vinstri grænir: Kommaflokkurinn enda er  Steingrímur "Rauði" rauðhærður

 

Vinsamlegast bætið við fleiri nöfnum í athugasemdir.

Kjaranefnd/dómur

Ég bíð spenntur rétt eftir kosningar, því ég finn á mér að þeir ætli að hækka laun embættismanna rétt einu sinni. Veit ekki hver rök þeirra verða í þetta skiptið en býst við að þau hljómi einhvern veginn á þá leið að þetta sé í raun ekki launahækkun heldur leiðrétting. Síðan er náttúrlega satt, alþingi á í raun engan rétt á að leiðrétta nefndinna þar sem hún stýrir launum allra embættismanna, þ.e líka dómaranna. Er ríkisvaldið ekki skipt.

Vefsíða kjaranefndar:

http://www.kjaranefnd.is/

Prófvertíð, Mundi frændi og sumarið

Prófvertíð er í gangi, ritgerðum, verkefnamöppum o.fl. á að skila í þessari viku. Fyrsta prófið mitt er á laugardaginn og allt fínt með það.

Í dag þá var ég orðinn hálfáhyggjufullur þegar pabbi var ekki kominn heim úr vinnunni kl 20:10, þannig að ég hringdi í hann. Sagðist hann þá vera á spítala og að Mundi frændi minn, bróðir pabba hefði hnigið niður í vinnunni, kvartað yfir svima, pabbi bauðst til að aka honum heim. Þegar í bíllinn var komið þá hætti frændi minn að anda. Pabbi tók frænda minn úr bílnum, gaf honum neyðaraðstoð og hringdi í 112. Núna liggur hann á gjörgæslu eftir hjartaþræðingu, þ.e hann var með kransæðarstíflu. Skv. því sem ég heyri þá eru líkur hans 50/50. Vona ég innilega að hann komist úr þessu nánast óskaddaður. Þ.e ekki liðið ár síðan að Alla ömmusystir dó og ekki 1,5 ár síðan Hrefna amma dó. Ég get ekki annað en vonað að föðurfjölskylda mín þurfi ekki að missa enn einn á svona stuttum tíma.

Hvað ég ætla að gera í sumar: Vinna, ferðast, lesa bækur, slaka á og njóta lífsins. Hvað annað á ungt Íslenskt fólk að gera?

Neytendur, Íslendingar sameinumst

Að undanförnu þá hafa birgjar  hækkað vöruverð. Fyrir utan það að verð hefur ekkert lækkað sérstaklega mikið þá á nú að taka lækkunina í burtu frá okkur og jafnvel hækka það enn meira. Ég segi NEI TAKK. Nú er komið nóg. Ég mun hlunnfara allar vörur frá þeim birgjum sem leyfa sér að hækka vegna lækkun gengis en aldrei að lækka vegna hækkunar. Listi yfir birgjanna sem hafa hækkað vörur sínar finnst á vefsíðu neytendasamtakanna hérna: 

http://ns.is/ns/verdkannanir/?ew_news_onlyarea=content1&ew_news_onlyposition=2&cat_id=11821&ew_2_a_id=260490

Ísrael og Palestína-ritgerðin sem ég var að skrifa fyrir skömmu

Ég er búin að finna eitthvað sem ég þoli ekki. Þessa hluti hérna saman: trúarextremisma, rosapirring, taugaveiklun og þjóðarstolt, eflaust mætti setja eitthvað ofan í þennan lista.

Þótt að eflaust mætti lengi deila um hverjum deilan er að kenna og svolítið greinilegt er hver er að vinna deiluna þá þurfti ég að lesa blaðagreinar, mæta í fyrirlestra og horfa á videóspólur, dvd og lesa bækur um ástandið. Síðan horfði ég á myndir eins og Jesus-camp sem settu bara kirsuberið á toppinn. Reyndar vissi ég um þetta allt fyrir en það er eins og yfirhleðsla fyrir mig að þurfa að þola allan þennan þjóðernis- og trúarhroka í einum bita. Enginn vill gefa eftir, "its all mine, mine, mine"-hugsun óx mér upp fyrir kok og mér leið eins og ég væri að kafna.

Þó verður maður sýna þessu fólki skilning. Fólkið ólst upp í veröld sem er undir stöðugum þrýstingi frá öðrum menningarsvæðum. Allir eiga að aðlagast, breyta sínu svo það henti veröldinni betur. Þetta á reyndar við mestallan heiminn en það er annað mál.

Ég fékk kannski nóg af að heyra hroka sem snýst um "ég hef rétt fyrir mér og allir aðrir eru fábjánar" en jæja...

af þeirri tegund af hugsun verð ég víst að láta sjálfan mig þola hana því kosningar eru í nánd og ég er nokkuð viss um að stjórnmálamenn muni ekki láta vanta skítkastið.

 

 

Undanfarið...

Jæja, við skulum sjá...hvað gerði ég seinnasta mánuðinn: Ég fór til Kanada, Toronto. Það var æðislegt, CN turninn o.s.frv. Fyrir utan það þá hef ég verið að gera alla þessa hluti sem ég geri venjulega. Þ.e salsa-námskeiðið, kórinn, skólinn o.s.frv. Einmitt núna þá er ég að gera ritgerð um Ísrael-Palestínu vandamálið. Mér finnst þetta voðalega skrýtið vandamál og afskaplega óflókið. Vandamálið virðist aðallega felast í fjár- og öryggismálum. Trúarmálin eru líka mikilvæg en virðast samt varla vera eins mikið mál og er látið líta út fyrir í almennum fjölmiðlum. Ætli þetta merki ekki bara eins og alltaf að maður á alltaf að taka inn nýjar upplýsingar með efa og í tilliti til staðreynda. Síðan þarf ég í raun að fylla inn restina með skoðunum, þ.e.a.s hvernig ég álít hlutina vera útfrá þessum staðreyndum.

 IceMUN-liðið virðist vera spennt fyrir næstu kosningar, Vera vill bjóða sig fram til formanns, Óli vill bjóða sig til formanns og síðan er fólk að hvetja mig að gera slíkt hið sama. Ég er hæstánægður með að IceMUN skuli draga að sér svona mikinn áhuga og vona ég innilega að okkur takist að gera ráðstefnuna lengri, skemmtilegri og betri. Veit ég að Varði gerði mjög gott starf á sínum tíma en hans markmið eru yfirleitt að gera ráðið sjálft(hlutverkaleikinn) eins professional og hægt er. Sem er allt gott og blessað en oft þá þarf gaman að fylgja alvöru til að draga inn fólk og láta það hafa áhuga. Vonandi endar þetta samt ekki bara í einu stóru fyllerí því mér finnst hlutverkaleikurinn mjög mikilvægur og leiðist þegar fólk tekur þessu svo ekki alvarlega.

 Ég á nokkur verkefni aðallega framundan, ritgerðin um Hulduorku, fyrirlestur um hröðlun agna, samanburðarritgerð úr 3 kafla Negotiator, sögu í Creative writing, heimaverkefni í Rafsegulfræði og Tölulegri Greiningu, fyrirlestur um varmafræði fjallgöngumanna. Síðan má ég aldrei gleyma stærðfræðinni. Fyrir utan það þá þarf ég að lesa mig aðeins upp í almennu afstæðiskenningunni. Lífið er alltaf fjör. Ég verð samt feginn þegar þetta misseri er búið.

 Ekki það að það taki eitthvað spennandi við. Eins og ég sé það, þá er fólk búið að planna mestallt sumarið fyrir mig. Eftir próf þá er vorferðaleg kórsins og tónleikar. Síðan vinn ég eins og þræll í mánuð. Síðan byrjar eitt sumarnámskeið um Evrópu og möguleika hennar. Síðan fer ég líklegast á Hróaskeldu, kannski Interail í tvær vikur eða eitthvað annað skemmtilegt, Ólafsvaka síðan endar þessi mánuður með verslunarmannahelginni. Eins og ég sé það þá vill fólk að ég fari til vestmanneyja með þeim...kannski að það sé góð hugmynd

Síðan stúdera ég fyrir sumarpróf...annars þá er lífið bara fínt. Eftir sumarpróf þá fer ég, Einar Steinn og finnsku hjónin Jaako og Elina til Lapplands. Ég vona innilega að þetta verði skemmtileg ferð.

YMUN í Toronto, Kanada

Jæja, ég er að fara á YMUN í Toronto, Kanada. Ég á að vera í ECOSOC, s.s efnahags- og félagsráði sameinuðu þjóðanna að "representera", þ.e koma fyrir hönd Íslendinga. Þetta brýtur reyndar þá reglu í MUN-um í Evrópu að það sé bannað að koma fyrir hönd síns eigin lands en jæja, what the hell...ég er ábyggilega í betri aðstöðu en hitt fólkið í YMUN að koma fyrir hönd lands míns þar sem flestir virðast vita nákvæmlega ekki neitt um Ísland, þá á ég sérstaklega við um hinn ameríska almenning.Þótt að til séu margar undantekningar og þá enn fleiri í Kanada.

Ég þurfti að flýta för minni til staðarins. Þeir vilja að ég  taki þátt í  æfingu, þ.e.a.s "mock simulation" 21. Sem er allt í lagi mín vegna. Þá a.m.k fæ ég að kynnast hinum þáttakendunum að einhverju leyti. Þetta verður mín fyrsta reynsla af Kanada, þó ekki Kanadabúum en ég vona að ég hafi a.m.k gaman af þessu.